Marso 25, 2025 | 7:30 AM GMT+08:00
Kamakailan nagbigay tugon sa mga kontrobersiyang kinakaharap ng kapulisan, kung saan iginiit ng United Frontliner Partylist ang pangangailangang protektahan ang mga pulis na tapat sa tungkulin. Ayon sa grupo, hindi dapat basta-basta masangkot sa isyu ng extrajudicial killings (EJK) ang mga pulis na sumusunod lamang sa kanilang tungkulin.
Sa panayam, kabilang sa mga konkretong hakbang na kanilang isinusuong ang pagkakaroon ng legal assistance at psychological support para sa mga pulis na nadadawit sa imbestigasyon. Kasabay nito, iginiit din ng partylist ang kahalagahan ng pagsunod sa karapatang pantao at patas na imbestigasyon sa mga reklamong may kinalaman sa ‘Tokhang.’
Bilang kinatawan ng mga frontliner, binibigyang-diin ng grupo ang responsableng pagganap sa tungkulin ng mga alagad ng batas. Naniniwala silang posibleng mapanatiling ligtas ang mga pulis habang tinitiyak din ang hustisya para sa mga mamamayang naaapektuhan ng marahas na operasyon.
Iminumungkahi rin ng partylist ang pagbuo ng malinaw na protocol upang mapaghiwalay ang lehitimong operasyon sa mga abusadong gawain. Sa huli, tiniyak ng United Frontliner Partylist na mananatili silang katulong ng kapulisan sa pagtataguyod ng ligtas at makataong pamayanan.
Ang kanilang mga hakbang ay nagpapakita ng malasakit at suporta sa mga pulis na nagsisilbi sa bayan, at isinusulong ang makatarungang proseso sa bawat operasyon ng kapulisan.
