Sinimulan na ng administrasyong Marcos ang pagpapaigting sa kalidad ng trabaho at pagdami ng job opportunities sa bansa sa pamamagitan ng “Trabaho Para sa Bayan Program,” isang 10-year national employment initiative.
Ang programa ay inilunsad bilang tugon sa patuloy na isyu ng unemployment at underemployment sa Pilipinas. Ayon sa Malacañang, layunin ng programa na magbigay ng long-term at inclusive solution sa mga hamon sa sektor ng paggawa.
Katuwang ng pamahalaan sa pagpapatupad ng Trabaho Para sa Bayan Program ang mga ahensyang Department of Economy, Planning, and Development (NEDA), Department of Trade and Industry (DTI), at Department of Labor and Employment (DOLE).
Ayon sa pahayag ng Palasyo, magiging sentro ng programa ang workforce development, na titiyak na ang mga Pilipino ay may sapat na kasanayan, access sa training, at oportunidad upang makapasok sa disenteng trabaho. Isusulong din ng programa ang:
- Pagsasanay para sa digital at green economy
- Suporta sa micro, small, and medium enterprises (MSMEs)
- Paglikha ng regional job hubs
- Partnership sa private sector para sa skills matching
Target ng pamahalaan na makalikha ng milyon-milyong trabaho sa susunod na sampung taon, habang unti-unting binabago ang employment landscape ng bansa upang maging mas matatag, patas, at tumutugon sa modernong pangangailangan ng merkado.
Ang pagpapatupad ng Trabaho Para sa Bayan Program ay inaasahang magiging game-changer sa employment strategy ng bansa, at isang konkretong hakbang tungo sa mas inklusibong pag-unlad.
Para sa karagdagang update sa mga employment programs ng pamahalaan, manatiling nakatutok sa GNN Ekonomiya.
