Itinanggi ni House Senior Deputy Majority Leader at Ilocos Norte 1st District Rep. Sandro Marcos ang mga kumakalat na fake news na nagsasabing susunod siya sa yapak ng kanyang ama at tatakbo bilang presidente ng Pilipinas.
Ayon kay Rep. Marcos, wala pa siyang planong tumakbo para sa pinakamataas na posisyon sa gobyerno, at iginiit niyang walang katotohanan ang mga balitang nagsasabing magiging susunod na pangulo siya.
Pinaalalahanan niya ang publiko na maging mapanuri at mag-ingat sa mga misinformation campaign na kumakalat, lalo’t wala itong basehan at patotoohan. Ang mga ganitong uri ng maling impormasyon ay maaari lamang magdulot ng kalituhan at maling pananaw sa mga mamamayan.
