Pansamantalang itinigil ng Presidential Anti-Organized Crime Commission (PAOCC) ang kanilang operasyon laban sa mga illegal POGO operations, matapos matuklasan na maraming sa mga naarestong manggagawa ay may nakakahawang sakit.
Ayon sa ulat, mahigit animnapung POGO workers ang kumpirmadong positibo sa HIV, syphilis, at hepatitis. Dahil dito, itinigil muna ng PAOCC ang operasyon bilang bahagi ng pag-iingat sa kalusugan ng mga law enforcers at iba pang sangkot sa proseso.
Sa kabila nito, tinatayang may 9,000 pang POGO workers ang hindi pa naaaresto sa kasalukuyan. Inaasahang magbabalik ang operasyon ng PAOCC sa oras na gumaling na ang mga manggagawang may sakit.
Ang hakbang na ito ay bahagi ng pagsasaalang-alang ng pamahalaan sa kalusugan ng publiko habang patuloy ang laban kontra illegal na POGO activities sa bansa.
