Marso 10, 2025 | 6:40 AM GMT+08:00
Apat na Japanese firms ang nagpahayag ng interes na mamuhunan sa Pilipinas na may kabuuang halaga na ₱23.5 bilyon, ayon sa Department of Trade and Industry (DTI).
Nakipagpulong sina DTI Secretary Cristina Aldeguer-Roque at Special Assistant to the President on Investment and Economic Affairs Frederick Go sa mga mamumuhunan mula sa Japan upang palakasin ang kooperasyon sa iba’t ibang industriya.
Kabilang sa mga kumpanyang nais mamuhunan sa bansa ay ang:
- Nidec Corp.
- Ibiden Limited Company
- Sumitomo Corp.
- Fast Retailing Limited Company
Ang kanilang pamumuhunan ay nakatuon sa manufacturing operations, renewable energy, at clothing brand expansion.
Ayon sa DTI, ang pagpasok ng mga bagong dayuhang pamumuhunan ay makakatulong sa ekonomiya ng bansa, paglikha ng mas maraming trabaho, at pagpapalakas ng sektor ng industriya.
