Strut it! Nakumpirma na ang pagbuo ng isang live-action Bratz movie matapos ianunsyo ng Amazon MGM Studios ang pagkaka-secure ng film deal para sa sikat na doll line na Bratz, kilala bilang “Girls with a Passion for Fashion.”
Ang iconic na grupo nina Cloe, Yasmin, Jade, at Sasha, na sumikat noong early 2000s, ay muling bibigyang-buhay sa pamamagitan ng pelikula na kasalukuyang nasa pre-production stage. Ayon sa ulat, pinag-iisipan umanong isama si Kim Kardashian bilang kontrabida sa nasabing pelikula.
Bagama’t wala pang opisyal na cast o release date, inaasahang magiging patok ito lalo na sa mga lumaki kasama ang Bratz dolls. Ang pelikula ay layong bigyang-pugay sa makulay at trendsetting na fashion world ng Bratz na naging bahagi ng pop culture.
Sa muling pagbabalik ng live-action Bratz movie, tiyak na muling maaalala ng fans ang kanilang pagkahilig sa bold outfits, friendship goals, at fierce attitude na sumalamin sa henerasyon ng 2000s.
