Inanunsyo ng Department of Information and Communications Technology (DICT) na matagumpay nang lumipat sa digital na pamamahala ang limang lokal na pamahalaan sa Isabela gamit ang eLGU System at eGovPH app.
Simula ngayon, maaaring gamitin ng mga residente ng Cauayan City, Reina Mercedes, Luna, Naguilian, at Quirino ang mga digital na serbisyo ng gobyerno tulad ng Business Permit and Licensing System, Local Civil Registry, eCedula, at eNews Portal.
Ang proyektong ito ay isang malaking hakbang sa pagpapadali ng mga transaksyon ng mga mamamayan, na naglalayong mapabuti ang serbisyo at maghatid ng mas magaan at mas mabilis na proseso para sa mga residente.
