Ipinahayag ni Mayor Abby Binay na ang Makati ang kauna-unahang lokal na pamahalaan sa Pilipinas na mayroong 24/7 integrated digital healthcare system.
Ang sistemang ito ay kinabibilangan ng Virtual Queuing Management System, KonsultaMD telehealth, Makati Life Medical Center, at Health Information Management System, na pinondohan ng higit ₱16 bilyon mula taong 2017 hanggang Mayo 2025.
Sa ilalim ng programang Yellow Card, libreng naaabot ng mga Makatizen ang mga serbisyong tulad ng konsultasyon, diagnostic tests, gamutan, at kahit chemotherapy—lahat ay konektado sa isang digital healthcare system.
Ayon kay Mayor Abby, “Hindi lang ito tungkol sa digital na teknolohiya kundi sa pangakong lahat ay inaalagaan, lahat ay abot-kamay, at lahat ay libre.” Binibigyang-diin nito ang layunin ng lungsod na gawing mas accessible at makabago ang serbisyong pangkalusugan para sa lahat ng residente.
