FREE WIFI PROGRAM, MULING SUSURIIN AT ISASAAYOS NG DICT
Muling susuriin ng Department of Information and Communications Technology (DICT) ang Free Wi-Fi Program ng gobyerno dahil sa mataas na gastos at kakulangan sa kasalukuyang setup.
Ayon sa ahensya, kailangang isaayos ang programa upang maging mas cost-effective at matiyak na mas maraming Pilipino ang makikinabang sa libreng internet access.
Sa kasalukuyan, may taunang budget na ₱6.5 bilyon ang gobyerno upang magbigay ng internet access sa mahigit 7,000 lokasyon sa bansa.
Bukod dito, plano rin ng DICT na gumamit ng 40,000 lokasyon para sa pag-broadcast ng educational content na layong mapahusay ang digital learning sa buong Pilipinas.
