Marso 19, 2025 | 7:30 AM GMT+08:00
Pagpapabilis ng mga Proseso sa Gobyerno
Binibigyang-diin ng Department of Information and Communications Technology (DICT) ang kahalagahan ng digitalisasyon upang mapabilis ang proseso sa gobyerno. Ayon sa DICT, patuloy nilang pinapalakas ang digital transformation sa mga transaksyon ng pamahalaan, na layuning gawing mas mabilis, episyente, at accessible ang mga serbisyo para sa publiko.
Malawakang Pagbabago sa Sistema ng Gobyerno
Sa kasalukuyan, pinangungunahan ng DICT ang pagpapalawak ng mga eGov platforms, at tinutugunan ang mga pagkukulang dulot ng luma at hindi napapanahong mga proseso. Ang layunin ay mapabuti ang mga transaksyon at sistema sa gobyerno upang matugunan ang pangangailangan ng mga mamamayan sa digital na pamamaraan.
Impressive na Pag-usad ng eGov
Sa ngayon, mahigit 400 milyon na ang naiprosesong transaksyon sa lahat ng platforms ng DICT. Mayroon ding 1,100 na sistema ng gobyerno na ngayon ay nakapaloob na sa e-Gov Super App, na naglalayong gawing mas magaan at mas mabilis ang mga pampublikong transaksyon.
