Pinaalalahanan ng Commission on Elections (Comelec) ang lahat ng tumakbong kandidato sa May 2025 elections—mapa-nanalo man o natalo—na dapat nilang isumite ang kanilang Statement of Contributions and Expenditures (SOCE) bago o sa June 11, 2025.
Ayon kay Comelec Spokesperson Atty. John Rex Laudiangco, walang extension na ibibigay sa comelec SOCE deadline 2025, kaya’t dapat ay makapaghain na ng mga dokumento sa lalong madaling panahon. Binigyang-diin niya na ito ay isang obligasyon sa ilalim ng Omnibus Election Code at iba pang kaugnay na batas.
Idinagdag pa ng Comelec na hindi nila tatanggapin ang SOCE submissions na ipadadala sa pamamagitan ng email o registered mail. Mahigpit nilang ipinapatupad ang physical submission ng mga dokumento para sa masusing beripikasyon ng mga orihinal na kopya, lagda, at mga resibo ng ginastos sa kampanya.
Ang mga kandidato, lalo na ang mga nanalo, ay pinapaalalahanang seryosohin ang paghahain ng SOCE dahil ang hindi pagsusumite ay may legal na epekto. Kabilang dito ang posibleng hindi pag-upo sa pwesto o diskwalipikasyon sakaling hindi makapagsumite sa itinakdang deadline.
Maging ang mga natalong kandidato ay inaatasang mag-file pa rin ng SOCE, kahit wala silang planong tumakbo muli, upang hindi sila mawalan ng eligibility sa susunod na eleksyon.
Binigyang-diin ni Atty. Laudiangco na ang pagsunod sa comelec SOCE deadline 2025 ay bahagi ng pagiging responsableng mamamayan at pampublikong lingkod. Aniya, ang transparency sa kampanya ay isa sa mga pundasyon ng malinis at tapat na halalan.
Para sa karagdagang detalye sa filing ng SOCE, maaaring bumisita sa tanggapan ng Comelec o sa kanilang opisyal na website. Maghintay rin ng updates mula sa GNN Public Service para sa mga gabay ukol sa legal requirements ng Halalan 2025.
