Get ready, FILO Blinks! Inanunsyo na ng BLACKPINK ang kanilang pagbabalik sa bansa bilang bahagi ng kanilang BLACKPINK PH tour 2025, tampok sa kanilang “DEADLINE” World Tour.
Gaganapin ang 2-day concert sa Philippine Arena ngayong darating na November 22 at 23, kaya siguradong mag-iingay na naman ang buong fandom sa bansa.
Ang BLACKPINK, na binubuo nina Jisoo, Jennie, Rosé, at Lisa, ay kilala sa kanilang explosive performances at chart-topping hits gaya ng “How You Like That,” “As If It’s Your Last,” “Boombayah,” at “Kill This Love.”
Mula nang una silang bumisita sa Pilipinas, naging isa na silang concert favorite ng maraming Pilipinong K-pop fans. Ngayong taon, mas malaki at mas engrande ang kanilang balik na inaabangan ng Blinks mula Luzon, Visayas, at Mindanao.
Ang mga detalye tungkol sa ticket pre-sale at general selling ay ilalabas sa inyong TV screens at opisyal na social media pages ng BLACKPINK. Pinapayuhan ang mga fans na maghanda at maging alerto sa petsa ng bentahan para hindi maubusan ng ticket.
Siguradong magiging iconic ang BLACKPINK PH tour 2025, kaya huwag palampasin ang pagkakataong masilayan nang live ang mga K-pop queens ng bagong henerasyon. See you there, Blinks!
