Sa pinakabagong ulat panahon, iniulat ng mga awtoridad na may dalawang weather systems na patuloy na nasa labas ng Philippine Area of Responsibility (PAR).
Una sa mga ito ay isang tropical cyclone na nananatili sa labas ng bansa at kasalukuyang binabantayan ng PAGASA.
Ang pangalawa ay isang tropical storm na may Chinese international name na ‘Wutip’, na matatagpuan sa kanlurang bahagi ng Hilagang Luzon.
Ang Bagyong Wutip ay may taglay na maximum sustained winds na umaabot sa 65 kilometers per hour (kph) at pabugso-bugsong hangin na maaaring umabot hanggang 80 kph.
Bagama’t wala pa ito sa loob ng PAR, patuloy itong mino-monitor upang matiyak na maaga ang pagbibigay-babala sakaling magkaroon ng pagbabago sa direksyon o lakas nito.
Pinapayuhan ang publiko na manatiling alerto at sundan ang mga opisyal na anunsyo mula sa PAGASA para sa karagdagang updates tungkol sa bagyong ito at sa iba pang weather systems.
