Good news sa mga traveler! Ipinahayag ng New NAIA Infra Corp. ang pagdaragdag ng mga bagong international airlines at flight destinations sa Ninoy Aquino International Airport (NAIA) ngayong taon.
Kabilang sa mga bagong airlines na magsisimula ng operasyon sa NAIA ang Air France, Air Canada, at VietJet Airlines. Ito’y bahagi ng patuloy na paglawak ng connectivity ng bansa sa iba’t ibang bahagi ng mundo.
Magkakaroon din ng mga karagdagang direktang flight mula NAIA patungong mga lungsod tulad ng Seattle, Brisbane (Australia), Paris, Sapporo (Japan), Vancouver, Da Nang (Vietnam), at Chiang Mai (Thailand). Layunin nitong mapabuti ang access ng mga biyahero sa mga sikat na destinasyon sa Asya, Europa, at North America.
Bukod dito, simula Oktubre ay magkakaroon na rin ng direct flight patungong New Delhi, habang magdadagdag ang United Airlines ng ikalawang daily service patungong San Francisco.
Ang mga bagong international flights sa NAIA ay inaasahang magpapasigla sa turismo, magpapadali sa travel experience ng mga Pilipino at dayuhan, at magdudulot ng mas maraming oportunidad sa kalakalan at konektividad.
