Kinumpirma ni Commission on Elections (COMELEC) Chairman George Erwin Garcia na ang 2025 National and Local Elections ang itinuturing na pinakamaayos at pinakamapayapang halalan sa kasaysayan ng bansa kung pagbabatayan ang insidente ng election-related violence.
Ayon kay Garcia, kung mahigit 120 kaso ng election-related violence ang naitala noong 2019 at 2022 elections, ngayong taon ay hindi bababa sa 44 na insidente lamang ang naitala. Isa ito sa mga pangunahing indikasyon na mas naging maayos ang takbo ng eleksyon ngayong 2025, salamat sa pinalakas na seguridad at koordinasyon sa pagitan ng COMELEC, Philippine National Police (PNP), at Armed Forces of the Philippines (AFP).
Bukod sa mas mababang bilang ng insidente ng karahasan, iniulat din ni Garcia na 34 na lugar lamang ang na-classify sa red category, na nangangahulugan ng matinding banta ng karahasan. Mas mababa ito kumpara sa mga lugar na nasa red category noong nakaraang dalawang eleksyon.
Ang tagumpay ng pinakamaayos na 2025 elections ay kinikilala rin ng mga lokal at internasyonal na election watchdogs, na nagpahayag ng kumpiyansa sa kakayahan ng COMELEC na magsagawa ng isang tapat at mapayapang halalan.
Patuloy na nananawagan ang COMELEC sa publiko na maging mapagmatyag at panatilihin ang disiplina, lalo na sa panahon ng canvassing at proklamasyon ng mga nanalong kandidato. Ipinagmamalaki ng ahensya na sa kabila ng ilang minor technical issues, ay naging matagumpay at tahimik ang kabuuang eleksyon.
Para sa karagdagang balita ukol sa eleksyon at updates mula sa COMELEC, manatiling nakatutok sa GNN Halalan 2025.
