Magandang balita para sa mga kababaihan! Higit 40,000 job opportunities ang inaalok ng Department of Migrant Workers (DMW) sa kanilang inilunsad na Overseas Mega Jobs Fair ngayong araw sa lungsod ng Quezon. Ang kaganapang ito ay bahagi ng pagdiriwang ng National Women’s Month ngayong Marso, na naglalayong magbigay ng mas maraming oportunidad sa kababaihan.
Ang mga trabaho ay mula sa labing tatlong licensed recruitment agencies na lumahok sa job fair, na nag-aalok ng iba’t ibang posisyon mula sa healthcare, edukasyon, hospitality, at iba pang sektor. Ang job fair ay isang magandang pagkakataon para sa mga kababaihan na naghahanap ng trabaho sa loob at labas ng bansa.
Ang DMW ay patuloy na nagsusulong ng mga programa para sa pagpapalakas ng mga kababaihan sa larangan ng trabaho at pagpapabuti ng kanilang kalagayan sa komunidad.
